Бүгін Жәңгір хан университетінде «AMANAT» партиясының «Жиһангер» бастауыш партия ұйымының жиналысы өтті. Жиынның күн тәртібінде бастауыш партия ұйымының төрағасы Берік Хусаиновтың 2021-2022 жылдары атқарылған жұмыстар бойынша есебі тыңдалды және партияның қалалық конференциясына делегаттар сайланды.
– Бәрімізге белгілі 2023 жыл – университетіміздің 60 жылдық мерейтойы, бұл – жауапты кезең. Сондықтан біздің «AMANAT» партиясына қарасты «Жиһангер» бастауыш партия ұйымының мүшелері жақсы көрсеткіштермен белсенділік танытады деген ойдамыз, – деді Берік Мерғалиұлы. Қатысушылар БПҰ төрағасының есебіне оң бағаларын беріп, оны бірауыздан қайта сайлады. Еске сала кетсек, Жәңгір хан атындағы Батыс Қазақстан аграрлық техникалық университетінде «AMANAT» партиясы Орал қалалық филиалының «Жиһангер» бастауыш партия ұйымы 2006 жылы ашылды. Ол өз қызметін партияның жарғылық, бағдарламалық мақсаттары мен міндеттеріне, сондай-ақ БПҰ төрағасы бекіткен жұмыс жоспарына сәйкес жүзеге асырады. Қазіргі таңда аталған бастауыш