Білім беру бағдарламалары (Әскери дайындық)

БББ атаулары

Запастағы офицерлерді келесі мамандықтар бойынша даярлайды:

• Жалпы әскери бөлімшелерді, бөлімдер мен құрамаларды жауынгерлік қолдану;(2 ж)
• Зымыран әскерлері мен артиллериясы бөлімшелерін, бөлімдері мен құрамаларын жауынгерлің қолдану;(2 ж)
• Инженерлік — саперлік (инженерлік) бөлімшелерді, бөлімдер мен құрамаларды жауынгерлік қолдану;(2 ж)
• Аумақтық қорғанысты жоспарлау және ұйымдастыру;(2 ж)
• Құрлық әскерлерінде байланысты ұйымдастыру;(2 ж)
• Автомобиль техникасын пайдалану және жөндеу;(2 ж)
• Жалпы минаатқыштар бөлімшелерін жауынгерлік қолдану;(2 ж)
• Жерүсті артиллериясының бөлімшелерін; бөлімдері мен құрамаларын жауынгерлік қолдану;(2 ж)
• Ветеринарлық-санитарлық сараптама.(2 ж)

Запастағы сержанттарды келесі мамандықтар бойынша даярлауды жүзеге асырады

• Атқыштық (Бөлімше командирі);(1 ж)
• Автомобильдер (Автомобиль техникасын пайдалану);(1 ж)
• Далалық сумен жабдықтау;(1 ж)
• Орта қуатты қысқа толқынды радиостанциялар;(1 ж)
• Әскери барлау.(1 ж)

Хабарландыру

«Запастағы офицерлер мен запастағы сержанттар бағдарламалары бойынша әскери дайындық қағидаларына» сәйкес, Жәңгір хан атындағы БҚАТУ-дың әскери кафедрасы запастағы офицерлер мен запастағы сержанттар бағдарламалары бойынша оқыту үшін студенттерді (ер балалар мен қыздар) қабылдайды. Конкурсқа қатысуға конкурс өтетін жылы 24 жастан үлкен емес жастағы студенттер жіберіледі.

• Әскери кафедрада оқу:
• БҚАТУ-дың студенттері үшін –  тегін негізде;
• басқа ЖОО-ның студенттері үшін – ақылы негізде;
• запастағы сержанттар үшін оқу 1 жыл – ақылы негізде.
• Конкурстық іріктеуге қатысу үшін 2025 жылғы 5 ақпаннан бастап:
• запастағы офицерлерді даярлау бағдарламасы бойынша оқыту үшін құжаттар бірінші (4 жылдық оқумен) және екінші курс (5 жылдық оқумен) студенттерінен (ер балалар мен қыздар) қабылданады;
• запастағы сержанттарды даярлау бағдарламасы бойынша оқыту үшін құжаттар бірінші курс (3 жылдық оқумен), бірінші, екінші (4 жылдық оқумен) және бірінші, екінші, үшінші курстардың (5 жылдық оқумен) студенттерінен қабылданады.
• Конкурстық іріктеуге қатысу үшін құжаттар тізбесі:
• Өтініш (әскери кафедрада жазады);
• Қазақстан Республикасы азаматының жеке куәлігі (түпнұсқасы мен көшірмесі);
• Шақыру учаскесіне тіркеу туралы куәлік (түпнұсқасы мен көшірмесі);
• Көлемі 3х4  сантиметр фотосурет – 2 дана;
• Соттылығының болуы не болмауы туралы анықтама;
• ХҚКО-нан Орал қаласының Қорғаныс істері жөніндегі басқармасында әскери есепте тұрғанын растайтын құжат;
• ЖЖОКБҰ-да нақты оқитыны туралы анықтама (М.Өтемісов атындағы БҚУ және БҚИТУ студенттер үшін;
• А-4 форматты ақ қағаз — үш парақ.

Әскери кафедрада оқуға ниет білдірген студенттер міндетті түрде Орал қаласына тұрақты қалалық тіркеуге және Орал қаласының ҚІЖБ-да (ХҚКО арқылы) әскери есепке тұруы тиіс.

Оқуға түсу жөніндегі сұрақтар бойынша Жәңгір хан атындағы БҚАТУ-дың әскери кафедрасына жолығыңыз: Орал қаласы, Жәңгір хан көшесі, 51 үй, Политехникалық институт ғимараты,«Б» блок, байланыс телефондары: 8-7112-50-16-57, ішкі тел. 2-25, vk_zkatu@mail.ru.