Бүгін Жәңгір хан университетінде Ғылым айлығы аясында «Ғылым, зерттеулер, білім: даму тенденциялары» атты XXV халықаралық ғылыми-практикалық конференция өтті.
Конференцияға университеттің басқарма төрағасы-ректор Асқар Наметов, профессор-оқытушылар құрамы, шетелдік ғалымдар және республика бойынша түрлі шаруашылық саласының кәсіби мамандары қатысты. Пленарлық жиында алдымен сөз алған университеттің басқарма төрағасы-ректор Асқар Наметов шетелдік ғалымдарға ризашылығын білдіріп, конференция жұмысына сәттілік тіледі.
Бұдан әрі қазақ жылқыларын зерттеп жүрген ҚХР-дағы Тарим университетінің профессоры Ғұмынгүл Мухатай, қой шаруашылығын дамыту жайлы ғылыми тұжырымдарымен бөліскен К.А.Тимирязев атындағы Ресей мемлекеттік аграрлық университетінің профессоры Юсупжан Юлдашпаев, сондай-ақ Египет, Татарстан, Өзбекстан елдерінің ғалымдары өздерінің ғылыми зерттеулерімен бөлісті.
Түстен кейінгі секциялық отырыстар «Ауыл шаруашылығы ғылымдары»,
«Ветеринария және мал шаруашылығы», «Техникалық ғылымдар», «Экономикалық ғылымдар», «Гуманитарлық ғылымдар» бағыты бойынша жалғасты.
