«Тағам және қайта өңдеу өндірістерінің технологиялары» жоғары мектебінің ТПР-43 тобының студенттері «Нан өндірісінің технологиясы» пәнінен №1 Нан-сүт өнімдері комбинатының «Казкон» кондитерлік цехында практикаға бағытталған сабақ өткізді. Цех басшысы М. Сериккалиев жалпы өндіріс құрылымымен таныстырып, нан, вафли, сұлы печеньесі, құрғақ таңғы ас өнімдері тізбегінің жұмыс жасау принципін көрсетіп, шикізат қабылдаудан бастап дайын өнім алынғанға дейінгі технологиялық процестерді атап өтті.
Сабақты жоғары мектептің аға оқытушысы, PhD доктор Г.А.Умирзакова жүргізді.
