Экономика, ақпараттық технологиялар және кәсіптік білім беру институтының ғалымдары Эльвира Рустенова мен Айжан Ибыжанова «Бизнес-процестердің тұтынушылардың өзгеріп отыратын талаптарына және әлемдік экономикалық конъюнктураға бейімделуін ескере отырып, агроөнеркәсіптік кәсіпорындарды цифрлық трансформациялау модельдерінің кешенін әзірлеу» жобасы аясында Ұлы Петрдің Санкт-Петербург политехникалық университетінде ғылыми тағылымдамадан өтті.
Санкт-Петербург – Ресей Федерациясының ең ірі, ғылыми, білім беру және инновациялық қызметте даусыз нәтижелерімен, жетістіктерімен мықты ғылыми мектептері бар техникалық ЖОО-ның бірі. Университет әлемдік деңгейдегі «Озық цифрлық технологиялар» ғылыми орталық ретінде позицияланған.
Тағылымдама барысында агроөнеркәсіптік сектордағы ұйымдастырушылық реинжиниринг және цифрлық трансформация тақырыптары бойынша дәрістер мен семинарлар, кейс-стади және «Әлеуметтік-экономикалық жүйелерді модельдеу және цифрландыру» зертханасының ғылыми қызметкерлерімен талқылаулар ұйымдастырылды, Санкт-Петербургтегі және оған іргелес өңірлердегі жетекші агроөнеркәсіптік кәсіпорындар мен зертханаларға экскурсиялар, бизнес өкілдерімен цифрлық технологияларды енгізу тәжірибелерін зерттеу үшін кездесулер өтті. Сонымен қатар біздің оқытушылар «GDTM-2024: нарықтардың цифрлық трансформациясының жаһандық сын-қатерлері» атты халықаралық ғылыми конференцияға қатысты.