Ветеринария және агротехнология институтының студенттері 4-8 қараша аралығында Атырау қаласында «Интерьер дизайны және визуализация» бойынша біліктілікті арттыру курстарына қатысты.
Атап айтқанда, «6В08301 – Ландшафтты дизайн» білім беру бағдарламасының 3 және 4-курс білім алушылары Айдана Азаматова, Аяжан Айгалиева, Аида Маратова, Фарида Төрегелдиева, Аружан Романқызы, Маржан Мейрамқызы, Гүлдана Биктурганова, Жұлдыз Кошетерова, Эльмира Назар және топ жетекшісі Әлия Қуандыққызы Кушенбекова «Әйелдерге арналған жаңа мүмкіндіктер» жобасы аясында Атырау қаласындағы «APEC Training Center» оқу орталығының базасында ұйымдастырылған «Интерьер дизайны және визуализация» курсы бойынша білім алды.
Курс барысында студенттер дизайн және декор түрлері бойынша білімді игерді, коллаж жасауда қолданылатын бағдарламалармен танысты. Оқыту курсы студенттерге интерьер дизайны саласында жаңа дағдылар мен құзыреттіліктерді игеруге мүмкіндік берді.
