Өткен аптада университеттің Цифрлық даму орталығы мен «Ақпараттық технологиялар» жоғары мектебінің ұйымдастыруымен білім алушылар арасында FIFA-23 кибер-спортынан университетішілік турнир өткізілді.
Білім ордамызда алғаш рет өткізілген іс-шара Жәңгір хан университетінің 60 жылдығына арналды.
Сайысқа 5 институт бойынша 32 білім алушы қатысты. Тартысты жекпе-жек нәтижесінде жүлделі 1-орынды ВТ-33 тобының студенті Диас Бисембі, 2-орынды ДШжС-15 тобының білім алушысы Арсен Тұрсын иеленсе, 3-орынды ССМ-21 тобынан Бекзат Батталов пен ГРПИ-22 тобынан Серік Сұлтангереев өзара бөлісті. Сонымен қатар, Серік Сұлтангереев «Үздік сұрмерген» атанды.
Жүлдегерлерді құттықтаймыз!
