Жәңгір хан атындағы БҚАТУ Директорлар кеңесінің төрайымы болып Сергазина Әсел Кәкімқызы сайланды.Соған орай бүгін жаңа төрайымды университет инфрақұрылымымен таныстыру жұмыстары жүргізілді. Университет ректоры Наметов Асқар Мырзахметұлы бастаған топ таныстыруды «Аква мәдениет» зертханасынан бастады. Мейманға ихтиология және балықты жасанды өсіріп көбейту жұмыстары түсіндірілді. Сондай-ақ «Жәрдем-Вет» ғылыми-өндірістік, «BIOTECH» инновациялық ғылыми-өндірістік орталығының жұмысы таныстырылды. Бұдан әрі жаңа төрайымға коллекциялық бақ, әскери кафедра, ғылыми зертханалар таныстырылды. Биотехнология және табиғатты пайдалану ғылыми-зерттеу институтында сынақ технологиялық зертханасының жұмысы көрсетілді. Оған қоса, жұмысшы топ университеттің студенттерге қызмет көрсету орталығында, университет кітапханасында, «Жәңгір хан» спорт клубында, халықаралық бөлімде, Жәңгір хан атындағы музейде болды.
Ал, таныстыру жұмыстары аяқталған соң, Әсел Кәкімқызы директорлар кеңесінің жиналысына қатыспақшы.
