Университетіміздегі «Индустриалды-технологиялық институтының» оқытушылары мен студенттері арасында дәстүрлі «Алтын доп – 2025» футзал турнирі өткізілді.
Шараның басты мақсаты – жастар арасында салауатты өмір салтын насихаттау, студенттердің спортқа деген қызығушылығын арттыру, сондай-ақ командалық рух пен достық қарым-қатынасты нығайту. Турнир қорытындысы бойынша 2-курс студенттерінің құрама командасы жеңіске жетті. Ал 1-курс студенттері екінші орынды иеленсе, ИТИ оқытушылар құрамы үшінші орынға тұрақтады.
Жарыс жоғары деңгейде ұйымдастырылып, қатысушылар өзара тартысты ойын көрсетті. Спорттық шараны институты оқытушылары мен «Сұңқар» спорт клубы бірлесе ұйымдастырды.