Филиппин елінің астанасы Манила қаласында өтіп жатқан самбодан Азия чемпионатының алғашқы жарыс күнінде батысқазақстандық спортшы, Жәңгір хан университетінің студенті Сабина Құлымбетова алтын жүлдеге ие болды.
«+80 келі салмақ дәрежесінде белдескен жерлесіміз барлық қарсыласынан басым түсіп, Азия чемпионатының жеңімпазы атанды. Жеңіс құтты болсын! Алдағы жарыстарда да көк туымыз биікте желбірей берсін!», – деп жазды «Жайық балуандары» спорт клубы.
Айта кетейік, Сабина Құлымбетова – «дене шынықтыру және спорт» мамандығының І курс студенті.
