Жәңгір хан университетінде «Тәуелсіздік – халқымыздың ең басты құндылығы» атты дөңгелек үстел өтті.
Алдымен сөз алған университеттің тәрбие және әлеуметтік жұмыстар жөніндегі проректоры Ақылбек Ұзақбайұлы ҚР Тәуелсіздік күнінің маңызын атап өтіп, жастарды баршаға ортақ құндылығымызды қастерлеуге шақырды. Гуманитарлық, спорттық және әскери дайындық факультеті оқытушылары ұйымдастырған дөңгелек үстел барысында «Қазақстанның тәуелсіздік жылдарындағы сыртқы саясаты», «Асан қайғы – ел егемендігінің ұйытқысы», «Тәуелсіздік бастауы — Желтоқсан», «Алаш идеясы және Тәуелсіздік: сабақтастығы мен тағылымы», «Тәуелсіз елдің болашағы — жастар» тақырыбында баяндамалар оқылды. Гуманитарлық, спорттық және әскери дайындық факультетінің студенттері Саят Тарғын мен Нұржігіт Гиссатдин тәуелсіздік туралы өлеңдер оқыды.
