Жәңгір хан университетінде өткен ғылыми кеңес отырысы аясында Fulbright бағдарламасының қатысушысы, АҚШ азаматы, ағылшын тілі оқытушысы Джошуа Боуэнге салтанатты түрде алғыс хат табысталды.
Бұл – шетелдік маманға студенттердің тілдік дайындығын арттыруға және университетімізде мәдениетаралық өзара түсіністікті нығайтуға қосқан үлесі үшін ризашылық белгісі. Сондай-ақ университет басшылығы атынан Қазақстан Республикасындағы Америка Құрама Штаттарының уақытша сенімді өкілі ханым Дебби Робинсонға аталмыш маңызды білім беру бастамасын қолдағаны үшін алғыс хат жолданды.
Отырыс барысында Египет Араб Республикасындағы Kafrelsheikh университетінің профессоры, доктор Farahat Saad Elsayed Ibrahim Moghanm-ға постдокторантуралық ғылыми тағылымдамадан өткені туралы сертификат табысталды. Тағылымдама ауыл шаруашылығы ғылымдарының кандидаты, қауымдастырылған профессор Сауле Жоламанқызы Рахимгалиеваның ғылыми жетекшілігімен сәтті жүзеге асырылды.
Біз халықаралық ынтымақтастықтың кеңейгеніне қуаныштымыз және әріптестерімізге нәтижелі әрі жемісті еңбектері үшін алғыс білдіреміз!
