Халықаралық ынтымақтастық бөлімі университетіміздің 2-3 курс студенттері мен 1-курс магистранттарына арналған ақпараттық жиналыс өткізді.
Оған білім алушылардан бөлек, әр институттың академиялық оралымдылық бойынша эдвайзерлері қатысты. Іс-шара барысында ішкі және сыртқы академиялық оралымдылық ережелері мен талаптары, қажетті құжаттар, университетіміздің қай елдермен, қай жоғары оқу орындарымен серіктестікте екендігі, шетелде оқу тілі бойынша біліктілік деңгейі туралы мәліметтер түсіндірілді.
Тағы бір маңызды ақпарат мемлекеттік және халықаралық деңгейдегі конкурстар, атаулы шәкіртақылар түрлері, шәкіртақыларға ие болу әдістеріне қатысты болды. Кездесу соңында білім алушылар тарапынан бірқатар сұрақтар қойылып, толыққанды жауаптар қайтарылды.
