Жәңгір хан атындағы БҚАТУ жас ғалымдарына арнайы «Гранттар, конкурстар, тағылымдамалар» тақырыбында ақпараттық жиналыс ұйымдастырылды. Ұйымдастырушы – Халықаралық ынтымақтастық бөлімі.
Жиналыс барысында жас оқытушылар, докторанттар, магистранттар, тіпті, студенттерге арналған атаулы шәкіртақы түрлері, түрлі гранттарды ұтып алу шарттары жөнінде, сонымен қатар, магистрант, докторант, жас оқытушыларға арналған шет елдік ғылыми тағылымдамалар, 2022 жылға арнайы ұтысы бар конкурстар туралы ақпарат берілді. Жиналысқа қатысушыларға барлығының мүмкіндіктері теңдей екендігі айтылды. Туындаған сұрақтар бойынша Халықаралық ынтымақтастық бөліміне жолығуға болады.
