Университетке Орал қаласындағы №35 мектеп-лицейінің 10-сынып оқушылары келді. Аталмыш білім ошағының Алғашқы әскери дайындық және еңбек тәрбиесінен оқытушы-ұйымдастырушы Николай Бойков 60 шақты шәкіртімен бірге университеттегі «Әскери кафедрада» болды.
«Әскери кафедра» бастығы Асқар Кониров білім алушыларды патриоттық және әскери тәрбие беретін бөлімнің жұмысынан хабардар етті. Бұдан әрі оқушылар әскери қару-жарақ түрлерімен, байланыс жүйесімен, шабуыл және қорғаныс тәсілдерімен, әскери техникалармен таныстырылды.
