Бүгін Жәңгір хан университетінің ұжымы мерейлі жасқа толған «Парасат» ақпараттық білім беру орталығының кітапханашысы Эльмира Жумагуловаға құрмет көрсетті.
Кітапханашыны ұжым атынан мерейлі 50 жасымен құттықтаған «Ақпараттық жұмыс басқармасының» басшысы Болатбек Сахиев мерейтой иесіне университеттің басқарма төрағасы-ректор Асқар Мырзахметұлы Наметовтің құттықтау хатын оқып беріп, сый-сияпатын табыстады. Персоналмен жұмыс жөніндегі басқарма басшысы Ерлан Тасқалиев те Эльмира Узғалиқызына өз лебізін білдірді.
Еске сала кетсек, кітапханашы Эльмира Жумагулова Жәңгір хан университетінің кітапханасында 2011 жылдан бері жемісті еңбек етіп келеді.
